Өлеңдер ✍️
Өлеңдер ✍️
09.08.2022
111
ДОСПЕН АЙРЫЛЫСУ
Толқып жатқан теңіздің іргесінде,
Танысқанбыз көгалды көктемеде.
Енді күздің нөсерлі бір кешінде
Қоштасамын. Сен маған өкпелеме!
Сезімсіздеу сөздерің сілкіп қалып
Танымымның түндігін түріп кеткен.
Жүрегімнің жалыны шалқып барып
Басқа жаққа жылуын бұрып кеткен.
Адалдыққа еркелеп манаураған
Шын достықтың тәттісі- мәнділікте.
Ақ таң тілеп алдыңнан алаулаған
Күліп тұрып қоштасам мәңгілікке!
Әлеуметтік желілерде бөлісіңіз:
Facebook | VK | WhatsApp | Telegram | Twitter