Өлеңдер ✍️

Көктем келсе, шаттанар жасыл дала,
Гүлдер күліп, бүршігі ашылғанда.
«Дүниені жаңарған көрмеді-ау» деп,
Еске аламын сағынып, асыл ана!
Қайырмасы:
Тірлігіңді тынымсыз өткіздің де.
Сапар шектің, біздерді жеткіздің де.
Сол сапардан, анашым, оралмадың,
Саған деген сағыныш шексіз менде.
Өзің барда көңілім – ашық аспан,
Адалдыққа баулыдың мені жастан.
Саған ұқсас жан іздеп айналадан,
Жасаурайды жүрегім сағыныштан.
Қайырмасы.