Өлеңдер ✍️

  01.08.2022
  70


Автор: Айсырға Қилыбаева

ШУАҚҚА ТОЛЫП ЖАНАРЫҢ

Шуаққа толып жанарың,
Жарқырап неге қарадың?
Айырық жолдар алыстап,
Арманда кетіп барамын.
Көзіңнің жарқыл шуағы
Жылуын сеуіп тұр әлі.
Кеудемде жатыр күмбірлеп,
Сезімнің ақ сел бұлағы.
Бақытын ойлап басқаның,
Аяулым, сені жасқадым.
Өмірдің жазын, көктемін
Күрсініп артқа тастадым.
Айдынға жайған құшағын
Аққуға жалғыз ұсадым.
Жаныңды жүрсін әлдилеп,
Арнаған саған осы әнім.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу