Өлеңдер ✍️
  26.07.2022
  62

Автор: Медет Дүйсенов

АЙСБЕРГ

Шаттандырып сүйресе де сері күн,
Көңілімнің басамын кеп желігін.
Айсберг жасырады тереңге
Денесінің үштен екі бөлігін.
Адамдарға бір ұқсастық көрем де,
Ерік берем еркімді алған өлеңге.
Арамызда кішіпейіл жандар бар
Жататұғын тағылымы тереңде.
Терең болу қай кезде де ерге сын,
Ұстай білгін сезім-тұлпар делбесін.
Айсберг – даңқ құмарға бір мектеп,
Ұлылықтар көтермейді кеудесін!


  Айсберг Медет Дүйсенов өлеңдері Медет Дүйсенов

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  ІЗДЕЙДІ КҮН ШУАҒЫН ᐈ
  СЫНҒАН ШҮЙШЕ ᐈ
  КӨҢІЛІМНІҢ ЖАНАРЫНДА – ҚЫЗЫЛҚҰМ... ᐈ
  ӨЛЕҢ ᐈ
  ЖАСЫРЫНБАҚ ᐈ

Пікір жазу