Өлеңдер ✍️

  26.07.2022
  69


Автор: Медет Дүйсенов

Жыр ғана болып бар қайғым...

Жыр ғана болып бар қайғым,
Жоғалған жандай бірдеңем.
Боз аспан төсін шарлаймын,
Бозарған бұлтпен бірге мен.
Сар желсем, тірлік-күлікпен,
Бәрін де көрер бұл басым.
Ұстадым тағы үмітпен,
Бозала таңның бұйдасын.
Кеудемде жатқан тұманың,
Ашамын көзін толғана.
Биікке ұшса бір әнім,
Жаныма медеу, сол ғана.
Тербете бермес таң да енді,
Күнменен батқан, бірге өліп.
Халқыма соңғы сәулемді,
Шашармын, шашу-жыр болып!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу