Өлеңдер ✍️
  26.07.2022
  86

Автор: Медет Дүйсенов

Көрінбейді жаздың әсем ақ таңы...

Көрінбейді жаздың әсем ақ таңы,
Жапырақ құс жерге қонды бақтағы.
Бас салардай тас төбеден төніп кеп,
Бура бұлттар көкте тыным таппады.
Жұпар шашқан жоғалыпты түз гүлі,
Томсарады қабақ түйіп күз күні.
Ол мазасыз болмай қайтіп тына алар,
Қыс қолында кетеді ертең тізгіні.
Күз батырың қыс айымен тіресіп,
Жел-семсерін, оңды-солды жүр есіп.
Адам түгіл табиғаттың өзі де,
Жатады екен өмір-бақи күресіп.


  ақ таң Медет Дүйсенов Медет Дүйсенов өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  ЖАЛҒЫЗДЫҚ ᐈ
  Жыр ғана болып бар қайғым... ᐈ
  БАҒЗЫ МАҢҒЫСТАУ ᐈ
  ЖҮРЕК СЫРЫ ᐈ
  БАЛАЛЫҚ ПЕН ДАНАЛЫҚ ᐈ

Пікір жазу