Өлеңдер ✍️

  26.07.2022
  78


Автор: Медет Дүйсенов

ТАСТАР

Тастар, тастар...Сырларыңа іңкәрмін,
Тасырқаған тұяқтары тұлпардың.
Сан қарысып келдіндер-ау дауылмен,
Самғап ұшып кетті талай сұңқар күн.
Тастарға ұқсап тынам іштен кейде мен,
Шабыттанам оралғанда ойға өлең.
Қара тасты қақ айырып шыққан гүл
Қызыл тілге ұқсайтындай сөйлеген.
Безбүйректі, мейірімсіз бейпілді
«Ол бір нағыз тас жүрек қой», - дейтін-ді.
Уа, тастар! Асылыңды бергенмен,
Берме адамға қатыгездік кейпінді!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу