Өлеңдер ✍️
  26.07.2022
  83

Автор: Бірғали Байекеев

Жетпесе де қырау қыс хабары әлі...

Жетпесе де қырау қыс хабары әлі,
Қабағы қырау күздің қабарады.
Салдақы сайқал желдің сабалаған
«Зәбірінен» сидаң тал сазарады.
Қарамайды күн бүгін күліп тіптен,
Қатты ұйысып қалыпты бұлт тіптен.
Жағада өскен жаз бойы жамырасып
Қалың қамыс түтігіп, шіріп біткен.
Тұнжыр торғай әлсіздеу сырнайлатып
Бұта астында құнысты тұрмай жатып.
Мезі қылған мінезі қарашаның
Көңілсіз сәттерімді тұрды ойлатып.


  хабар Қырау Бірғали Байекеев өлеңдері Бірғали Байекеев

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Етегін желпіп есіріп ᐈ
  Жалаңаш жел жортады... ᐈ
  ЖАЙЫҚПЕН ЖҮЗДЕСУ ᐈ
  КӨК ᐈ
  АУЫЛ КӨРІНІСІ ᐈ

Пікір жазу