Өлеңдер ✍️

Тап келсе де таланың күллі азапқа,
Біткен іске сыншы көп бұл қазақта.
Тыныш ұйықтап жатсаңда төсегіңде,
Деуі әбден;”анда жат,мұнда жатпа”!
Иіс бармай тұрсада да мұрынына,
Ұрымталда тұрады ұрынуға.
Қайсыбірін ақылға шақырасын,
Соламайы малыған тілін уға
Сақалдысы түспейді аралыққа,
Көзапара жөн сілтеп қаралыққа.
Ақырзаман орнатып бір-ақ сәтте,
Айналдырып аспанды қара бұлтқа.
Әдеп қайда кешегі,тәлім қайда,
Дұрыс сөзді ағайын қабылдай ма?
Кешегіден қалған сөз,үлгі,ұлағат.
Келмей жатса,қайтейін,әлі ыңғайға.
Бабалардың нұсқасы-ұлы,дана,
Бұйырса екен ұлыма,қызыма да.
Намазшамға ұйыған әкем сынды
Күн де құлап барады құбылаға