Өлеңдер ✍️

  24.07.2022
  88


Автор: Рахат Қосбармақ

ШӨЛ

Ару-Күн тағы арайын төгіп үлгеріп,
Ақша қар-сезім ағып та кетті су болып.
Асфальт жолдарын Алматы деген шаһардың
Ақкөңіл арық, аямай енді жу келіп!
Қыртысын жазып, құрсауын сөгіп Қысыңның,
Қиыр көгіме қырандарыңды ұшырғын.
Қылшылдап тұрған, қылпыған қылыш-Ашу да
Қынабын қайта құшатындығын түсіндім.
Тершітші бүгін дүниенің тақыс маңдайын,
Тегістей гүлге оранып жатсын шалғайым.
Тағы бір жушы,
Сезімім жүр ғой сенделіп,
Тазалық деген кәусарға шөлдеп таңдайым...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу