Өлеңдер ✍️

  24.07.2022
  113


Автор: Темір МЫҢЖАС

АЛДАСПАНДАЙ ЖАРҚЫЛДАҒАН ӨЗЕНІМ

Табаныңда – дариясы мұнайдың,
Көкірегіңде – асқақ рух, қырау мұң.
Көзі қырын түсті ме әлде құдайдың,
Сәнің қайда, әнің қайда, шырайлым?
Қабырғасын сөккендейін тамұқтың,
Көзі болып түнді тілген жарықтың,
Күллі әлемге кеткен тарап дауысың
Ұранындай қазақ деген халықтың.
Өршіл едің, елдің мақтан сөзі едің,
Бүгін сенің талғандай ма өзегің?
Келер әлі, келер талай кезегің,
Алдаспандай жарқылдаған Өзенім!!!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу