Өлеңдер ✍️

Сайран салған аспаны тұр тарылып,
Қолдан кеткен қуатына қамығып,
Тұғырында зәр төгеді шаңқылдап
Атышулы екі басты самұрық.
Жиып бойға ашу-ыза, қаһарды,
Билесем деп қайта жарты жаһанды,
Сес көрсетіп, айға айбат шегеді
Күнін аңсап қан қақсатқан нашарды.
Үстемдіктің уы улап санасын,
Қызғанады көк бөрінің даласын,
Алынбас шың енді оған өр Кавказ
Жалғап жатқан екі дүние арасын.
...Ей, шау тартқан екі басты самұрық,
Неге сонша шаңқылдайсың жанығып?
Өткен күнің енді қайта оралмас,
Бұл дүниеде басқаның да барын ұқ!