Өлеңдер ✍️

Рауанды, гүлді бақтардың,
Бар гүлін саған сақтармын.
Айтшы сен маған, асылым,
Теңіздей неге тасыдың?
Күлші сен ұлым - асуым,
Көзіңде мұң тұр жасырын.
Жүректің тыңда дүрсілін,
Жүректе өнген бүршігім.
Өзіңдей Еңлікгүл кімде
Бар екен, айтшы, бұл күнде?!
Жасыма менің ардағым,
Жанымды саған арнадым.
Шуақ бар менің күлкімде,
Шаттанбау Саған мүмкін бе?!
Куә бол, Ай, Күн, ақ аспан,
Өзіңнен кім бар бағы асқан?!
Қасыңда мамаң барында,
Барында әркез жалында!
Туылған сенің күніңде,
Сыйлаған осы – гүлім де.
Нұр шуақ Сенің күлкіңде,
Нұрланбау маған мүмкін бе?!
Өзіңсің менің бақытым,
Жанарым, жаным, жақұтым.