Өлеңдер ✍️

  21.07.2022
  175


Автор: Баян Тіленшина

АТА МЕН АНА МҰРАСЫ

Ата мен ана мұрасы –
Жақсы өскен ұл-қыз баласы.
Өмірге тіреу, тиянақ,
Көз жанары – қарасы.
Жағымды мінез, алғыр сөз,
Білімге қанса санасы.
Жете ойлап, шешше тез,
Ақылдың болып данасы.
Алақанда тұрғандай,
Жер мен көктің арасы.
Мөлдір, тасқын бұлақтай,
Тараса өнер саласы.
Сұрапыл дауыл, көк селден,
Тосқауыл сол – панасы.
Тұңғиық, төнген ой-шерден,
Арылтушы сол арашы.
Еңбегін елге дарытса,
Бітсе адамның аласы.
Жүректен де арылар,
Көнтек тартқан жарасы.
Қара қылды қақ жару –
Әділет – шынның шарасы.
Ару, босу, тез құру –
Қиянатшыл, зұлым сазасы.
Өзіңде бар ма осы ұл-қыз,
Сын көзімен қарашы.
Дөрекі мінез, ұқыпсыз,
Сүйкімсіз, жанға жан ашыр.
Негізін ұқ, ой жеткіз,
Қалмасын маған өкпеңіз.
Бос мақтанға кім ерер,
Бағдарсыз лағып кетпеңіз.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу