Өлеңдер ✍️

Қоштастың мектебіңмен, балақаным,
Толқыттың көк теңіздей ана жанын,
Киелі Керім бабаң жолыңды ашып,
Жайылсын ақ батаға алақаның.
Қайырмасы:
Аққудың сыңарысың,
Арымның тұмарысың,
жолыңа шашу шаштым ақ әжең боп,
жаным –ау, орындалсын бар арманың.
Жалғаған арман –қанат аққу қыздар,
Ұзатсам бауырымнан жаным сыздар,
Қолдасын Қызыр бабаң, жар боп Алла,
Тілейтін ақ жолыңды әжең –біз бар.
Қайырмасы
Мектебің ұзатып тұр, азаматсың,
Халқыңа тұлға болар қазанатсың!
Ақ күліп, адал сөйле, білім ізде,
Санаттың бәйгесінде оза алатын.
Қайырмасы