Өлеңдер ✍️

«Келіспеймін!» деймін мен қиқарланып,
Көнесің сен, шертесің гитарды алып.
Ұнамадың!
Сен жігіт ұнамадың!
Несі дұрыс осылай тіл алғанның?!
Бұл сөзім –ақылыңды сынағаным!
«Мен» емес, «Тек сен» емес, екеумізді
тербейтін «Дұрыс» деген күй тарталық,
Шаңыраққа осындай сый тарталық!
Өз ойы, шешімі жоқ бас – ол бас па!
Ондайлар сел, құйында шыдамас та!
Сөндірмейік үмітін бір атаның,
Табандылар тамырлап, гүл ататын!
Өзің болшы өмірде ұнатарым.
Көнемін не десең де, тек сендірші,
Тағдырымның жолында жыламасқа.