Өлеңдер ✍️

  20.07.2022
  84


Автор: Баян Тіленшина

Ұнаттың қай қылығымнан?

Арқаңа міндім тербеліп,
Арқаңның жайлылығынан.
Ұялам бүгін жер болып,
Ұнаттың қай қылығымнан?
«Үстіңнен өтем секіріп,
Иіліп, апа, тұр!» - дедім.
Тастамай сонда жекіріп,
Есімде сылқ-сылқ күлгенің.
Түн жарымда түрегеп,
Жорыта тамақ сұрадым
Жер-көктің бәрін түгендеп,
Бітпейтін қояр сұрағым.
Жетеуміз жеті ел болып,
Ағарттық білем шашыңды.
Талбесік болып тербелтіп,
Ұзартсақ екен жасыңды.
Денеңді зорға көтеріп,
Таяқпен қалт-құлт жүрсең де,
Бір әулетке жетерлік,
Бірлік бар екен бір сенде!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу