Өлеңдер ✍️

  19.07.2022
  104


Автор: Баянғали Әлімжанов

КАРАТЭ МЕН ҚАРА ӨЛЕҢ

Күн шығыстың құпия жақсы өнері
Каратэнің қазағым қас шебері.
Жапан түздің жалпақ бет балалары
Жапон барып ақ семсер ап келеді.
Ғаламға ортақ рахымды патша құдай
Әр халыққа әртүрлі бақ береді.
Каратэні үйренген қара бала
Қара өлеңді қалайша жат көреді?!
Қазағымның кішісі, ұлысы да
Қара өлеңмен ашылған тынысы да.
Қара өлеңмен жігері суарылып
Қара өлеңмен қайралған қылышы да.
Бар әлемнің өнерін меңгерсең де
Қара өлеңсіз болайын тұрысыңа!!!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу