Өлеңдер ✍️

«Тағы Алладан бастады!» – деп,
«Басқаларды қоспады!» – деп,
«Жұмаққа жол нұсқады!» – деп,
Келемеждеп қарайтын кім молдаға?
«Алма, түс!» – деп жата беру,
Қол жайғанда бата беру,
Тілек айту, арманға еру,
Мұның бәрі – жалбарыну Аллаға.
Қағып-соғып көз көргенді,
Кекеп-мұқап сөз бергенді,
Алдап-сулап өзгелерді,
Көзді сүзбе елде есірген ептіге.
Мыңға бермес жүз күніңді,
Жемісіңді күзді күнгі,
Теріп жеген ырыздығыңды
Адам емес,
Алла берсін деп тіле!