Өлеңдер ✍️

Бұл жалған бізге кең жайлау,
Келгендей бәрі қыдырып,
Ошақтың жанған отына
Көп адам отыр жылынып.
Биікке біреу қараса,
Етекке біреу үңіліп,
Сыңғырлап аққан бұлақтың
Жатқандай суын сіміріп.
Келсе де біреу аяңдап,
Кетеді біреу жүгіріп,
Біреуі тұрса жай аңдап,
Қалғандай біреу кідіріп.
Түседі көзге тай талай,
Шапқылап жүрген жұлынып,
Ақсаған қозы байқамай
Енеден қапты жырылып.
Жақсылық көрсек – сүйініп,
Жамандық көрсек – түңіліп,
Аман боп жүрсек болғаны,
Бордайын кетпей үгіліп.