Өлеңдер ✍️

  15.07.2022
  63


Автор: Ақылбек Шаяхмет

Алланың атын адамға теліп...

Алланың атын адамға теліп,
Құдай деп танып адамды,
Жүретін жандар жалғанға сеніп,
Көздері судай қараңғы.
Милары ашып, басылмай желік,
Тірлікте мынау қас-қағым,
Патшаның өзін Құдайдай көріп,
Бас шұлғып, иер бастарын.
Тұрғанда кетпей басынан бағы,
Ойламас түк те көр-кеуде.
Кеудеден, бірақ, шығарда жаны,
«Тіліме иман сал!» – дер ме?!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу