Өлеңдер ✍️

  14.07.2022
  66


Автор: Ақылбек Шаяхмет

Түссе де жарық төбеден,

Түссе де жарық төбеден,
Жазғанды біреу теріс оқыр,
Шындықтың көзі көреген,
Жалғанның көзі көрсоқыр.
Болғанмен берік қорғаның,
Жетпейтін кейде шыдамы,
Құлағы төртеу жалғанның,
Шындықтың керең құлағы.
Шын сырын ашса сұмдықтың,
Қылмысты тапса кім сенбес.
Иісшіл мұрны шындықтың,
Жалғанның мұрны дым сезбес.
Алысқа сермеп құлашты,
Жатамыз досқа бақ тілеп.
Шындықтың тілі тым ащы,
Жалғанның тілі тәттірек.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу