Өлеңдер ✍️

Жолдары болып, қайтқандар барып Меккеге
Отырып төрге, қолдары жетті шекеге.
Жусаннан қанша болса да биік бетеге,
Ойлары жасық бойлары асып кете ме?!
Ауызды тыймай, жақсыны жүрсе өсектеп,
Шайтанға атар қойнында қалған кесек көп.
Әруақты сыйлап, оқитын дұға үйге де
Барады кейде беретін астан жесек деп.
Біреудің басын, біреудің асын сөз қылып,
Орындап жүрсе парыздың өзін көз қылып,
Сақтай көр, Құдай!
Жүрекке қатқан шеменді
Ұлғайтар жанды қалмасын маған кез қылып.