Аңыздар ✍️

  11.07.2022
  91


Автор: Ғали Орманов

ТОРЫ АЙҒЫР АҢЫЗЫ

Алдында жым-жырт жусаған
Əйгілі биік Торы айғыр.
Ерінбей кімдер шықса оған,
Көрінер алыс талай қыр.
Жонынан шұбап асыпты
Қыруар заман, талай жыл.
Солардан терген нəсіпті
Қимасын бізге қалай бұл?
Тым-тырыс тұрған түріне
Түңілмей, достым, қарай жүр.
Таусылмас шертсең бүгінге
Табылар, бəлкім, талай жыр.
Шиыры, бəлкім, жоқ шығар
Торыға мінген шопанның.
Сақтаған бірақ сол шыңдар
Танырсың ізін Шоқанның!..




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу