Өлеңдер ✍️
  25.06.2022
  74

Автор: Сергей Есенин

Түсті ымырт. Түсті шөпке

Түсті ымырт. Түсті шөпке
Түнгі күміс қалың шық.
Жол шетінде тұрмын жалғыз
Тұрмын талға жабысып.
Түседі үйдің төбесіне
Айдың жалпақ сəулесі.
Ту алыстан бұлбұл салған
Бой балқытқан əн есті.
Қандай жылы қыста пештің
Отырғандай түбінде.
Ақ қайыңдар ақ шырақтай
Жарқырайды түнінде.
Сонау жақта, арғы бетте
Əлден шапшаң таң күтіп,
Ұйқылы-ояу жүр күзетші
Тоқылдағын жаңғыртып.
1910


  Сергей Есенин өлеңдері Сергей Есенин Ымырт шөп

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Күп-күрең Шығыс ᐈ
  Қыс «əу» десе, қарағай... ᐈ
  ƏНГЕ ЕЛІКТЕУ ᐈ
  Жағасында өзеннің... ᐈ
  ҒҰМЫРЫМ ᐈ

Пікір жазу