Өлеңдер ✍️

Мен іздеген бақ құсы,
Жүрегімде өзімнің.
Келмейді оның жатқысы,
Тірісінде көзімнің.
Жүреді ол көгімде,
Мен ұйықтаған кезімде.
Ол даланың желінде,
Күннің нұрлы көзінде.
Әуел баста-ақ оны мен
Іздеппін ғой бекерге.
Жүр екен ғой менімен
Туып-өскен мекенде...
Ұясынан шығып ап,
Ұшады бір құс күнде.
Жүреді ылғи зымырап
Туған жердің үстінде.
Жанымның жас бұлбұлын
Қарауылға ілмеңдер.
Құс екен деп, бір күні
Атып қойып жүрмеңдер.