Өлеңдер ✍️

  22.06.2022
  156


Автор: Сағи Жиенбаев

ТУҒАН ЖЕР...

Сенде тұңғыш жүрдім де,
Сенде тұңғыш құладым.
Сенде тұңғыш күлдім де,
Сенде тұңғыш жыладым.
Іңгәлаған үнімді
Сенің дөңің тыңдаған,
Естімеген жырымды
Сенің желің жырлаған.
Көзімді ашып алғанда,
Сенің қырың көргенім.
Қырға тұңғыш барғанда,
Сенің гүлің тергенім.
Тұңғыш рет шөлдесем,
Сенің суың ішкенім.
Тұңғыш рет терлесем,
Сенің көлің түскенім...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу