Өлеңдер ✍️

Тақымда торы қаншырдай,
Қайшылар құлақ, желігіп.
Аңсатып қызды Баршындай,
Жетелеп келед мені үміт.
Самсаған жұлдыз, Ай да бар,
Ылпылдап сезім кетті есіп.
Көрінбес көңіл жайланар,
Күдікпен алған шектесіп.
«Жетем, – деп, – жылдам» тебіндім,
Алыстау...
Көп-ақ қырқалар.
Жүрегім мұңға теліндің,
Естімей далсың бір хабар.
Самғасын торы самғасын,
...Тас тиді әттең маңдайдан.
Шығыпсың әлгі жанға шын,
Айдаған сені қандай дәм?