Өлеңдер ✍️
  19.06.2022
  128

Автор: Әділбек Ыбырайымұлы

Саратан зауза ызылдап...

Саратан зауза ызылдап,
Нәуетек гүлдер жабылды.
Маужырай қапты жүзім бақ,
Бозбала солай сабылды.
Жұлдыздар сирек, тымық түн,
Төбеттер тыныш әупілдек.
Жіңішкелігін шыбықтың,
Тұрғандай маған тау күндеп.
Жаңылдым бағзы қалпымнан,
Салдыртып келем сайменен.
Серпіліп түнгі салқыннан,
Сергіп те қалды-ау, әй денем.
Елітті жанды күлкі әсем,
Сыбдыры бақтың тосыннан.
...Сұлулықтарды қымта сен,
Ұрланып келіп қосылған.


  ызылдау Әділбек Ыбырайымұлы Әділбек Ыбырайымұлы өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  У сезімді ұнатам тегі ішкенді... ᐈ
  Торлады ма жаныңды кіреуке шын... ᐈ
  Нала, наза – ᐈ
  Жалған, жалған! ᐈ
  Қауызында шұғынықтың – қара барқын нала бар... ᐈ

Пікір жазу