Өлеңдер ✍️

Жыр жазылмай көктем өтті,
жаз келді.
жайлау кездім жадырап.
Шабыт тұтар сөздерім жүр
əр кезгі
тасқа шыққан лақтардай
маңырап.
Сұңқар сезім бір жақсы өлең
Ұстайтын
Сияқтанды əзір-ақ.
Қалқиын деп
Ойларымның қаймағын
Қызыл тілді безедім.
Ат тұяғы тиген сазды былқылдақ.
Жасыл киіз жапқан-ау деп
Сеземін.
Бұл табиғат өлеңнен де əдемі
Өлең қане,
Келді сенің кезегің?
Жасыл киіз жапқан жонға,
бұйра бұлт,
Жамбастасаң, жамбаста.
Ашық тұрған мынау сəтті
сəл сақта –
Сөзіңді бер жаумасқа.
Төкпей-шашпай өрге таман аунай түс,
Тұғырың сол тау қасқа.