Өлеңдер ✍️

Аңдасаң көптің мұқтажын,
Санама күнді терлеген.
Болашақ құтты қыс-жазын
Мұңым көп көксеп, зерлеген.
Жігітті жігіт демеймін
Ел үшін дауға енбеген.
Жыртысын жыртып Семейдің,
Аралым үшін өлмеген.
Жігітті асыл дей берем
Құлшынтып намыс өрлеген.
Шалдықса оған дем берем,
Жүректен оты сөнбеген.
Жігітті өтем танымай
Ел тілегін термеген.
Абылай мен Ағыбай
Аруағы бата бермеген.
Бас қосар бүгін келді рет,
Ел толқып, аруақ жебеген.
Дербестік туы желбіреп,
Қуансын қазақ егемен!