Өлеңдер ✍️

Көкшетау мен Алатаудың арасын,
Қара Ертіс пен Ақ Жайықтың жағасын
Жалғап жатқан, қараңдаршы, тәуелсіз
Қазағымның ұлан-байтақ даласын.
Қайырмасы:
Түркі тектес тіліміз,
Қаз дауысты үніміз.
Тайталаспен тағдырмен,
Еркін елдің біріміз.
Алаш ұлы азатпыз,
Біз – тәуелсіз қазақпыз!
Бабаларым сойылымен қорғаған,
Қанаттанды боз інгенді боз далам.
Жаңа өмірде жаңа қарқын басталды,
Белестер жоқ бүгін қолды созбаған!
Қайырмасы.
Кербез дала, байтақ атамекенім,
Көз тартады сенің шексіз екенің.
Қуаты мол Мәңгілік Ел орнатсақ,
Сонда аңсаған арманыма жетемін.
Қайырмасы.