Өлеңдер ✍️

  14.06.2022
  298


Автор: Кәкімбек Салықов

САРЫАРҚА

Әніме ұйып тына бер,
Төскейім, төрім нар алқа.
Құлагер жортқан құба бел,
Сүйемін сені, Сарыарқа.
Салтанат, сайран құра бер
Құмарың тарқап, жан қалқа.
Сен туған жер – ғажап жер,
Сұлулар елі – Сарыарқа.
Қосылып, сәулем, тың ән сал,
Тыңдасын кербез нар алқа.
Ақан, Сәкен, Біржан сал,
Серілер елі – Сарыарқа.
Қуаныш, қайғы ел көрген,
Ізіне жүзі сай алқа.
Сексен көл, Балқаш көмкерген,
Жезкиік елі – Сарыарқа.
Әніме ұйып тына бер,
Төскейім, төрім нар алқа.
Құлагер жортқан құба бел,
Сүйемін сені, Сарыарқа.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу