Өлеңдер ✍️

  14.06.2022
  96


Автор: Алмат Исәділ

Қараша. Қамығу...

..Көкейімде бір ой бар:
Елдің жайын кім ойлар?
Жиында отыр есінеп,
Күллі ығай-сығайлар.

Шеттерінен кіл шешен,
Шеттерінен дүр көсем.
...Өз елімде жүрсем де,
Өгейсіген күн кешем...

Несібесі азайып,
Несиесі молайып,
Нән дөкейлер қағынып,
Қамығып жүр халайық.

Сөзімді кім есіткен,
«Бүліндім ме бесіктен?»
Сығалап тұр қараша,
Үлкен емен есіктен...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу