Өлеңдер ✍️

  12.06.2022
  62


Автор: Мәди Қайыңбаев

СҮРЕГЕ ЕЛІКТЕУ

Қою мұңын əнімнің,
Ұлғайтамын, Мұхаммед.
Жаншылғанын жанымның,
Кімге айтамын, Мұхаммед.
Жапа-жалғыз қамықтым,
Ащы жасым сорғалап.
Фəни мəнін жаңа ұқтым,
Қара түннен жол қарап.
Балауыз бір шырақтай
Тамшыладым, Мұхаммед.
Таусылатын сияқты-ай
Бар шыдамым, Мұхаммед.
Бəз біреулер бұл да өлең
Үлгісі дер, Мұхаммед.
Жуған жанымды уменен
Кім түсінер, Мұхаммед.
Назарыңды сала гөр,
Тірегім бол, Мұхаммед.
Сенім болып жана бер
Жүрегімде, Мұхаммед!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу