Жұмбақтар ✍️

Мұхтар,
Сəуле,
Бiр үйдiң балалары,
Егiз туған екеуiн
Аналары.
Олардың бар бiр үлкен
Əпкелерi,
Одан үлкен бар жəне
Ағалары.
Ажырата алмайтын
Түр-түсiн де,
Ұқсайтұғын жүргенi,
Күлкiсi де.
Кейiн туған Мұхтардан,
Сəуледен соң,
Бiр ұл, бiр қыз тағы бар
Үй-iшiнде.
Кəне, ойланып асықпай
Табыңдаршы,
Сонда қанша, есептеп
Алыңдаршы.
Əпкесiнде қанша iнi,
Сiңлiсi бар,
Ағасының қанша iнi,
Қарындасы?..
(Ағасының екi iнi, үш қарындасы бар, əкпесiнiң екi iнi, екi сiңлiсi бар)