Өлеңдер ✍️
Өлеңдер ✍️
04.06.2022
106
ШАҚТАР-АЙ…
Саялы бақта гүлменен,
Тағатсыз күткен шақтар-ай.
Сағына жазған жырменен,
Жауапсыз кеткен хаттар-ай.
Келмейтiн сенi құр күткен,
Ұйқысыз ұзақ түндер-ай.
Тең болған жаным Мұңлықпен,
Сиықсыз суық күндер-ай.
Арманнан безiп алдаған,
Сен деумен тозған төзiм-ай.
Жауапсыз қалып жаураған,
Сенделген жетiм сезiм-ай.
Жалғыздық əбден жүдеткен,
Құсаға толы көңiл-ай.
Қиялмен ғана күнелткен,
Тұсаулы бəрi өмiр-ай.
Әлеуметтік желілерде бөлісіңіз:
Facebook | VK | WhatsApp | Telegram | Twitter