Өлеңдер ✍️

Адым жерге құлап жүр,
Аяғын нық баса алмай.
Қуаныштан жылап жүр,
Шашуын да шаша алмай.
Иіскелеп бас, құлақтан,
Сүйіп жатыр бетіңді.
Аңсап келіп бұлақтан,
Жұтып жатқан секілді.
Қайта-қайта құшады,
Қанбайтұғын тəрізді.
Бұл көргені,-түс əлі,
Нанбайтұғын тəрізді.
Бəрін дағы ұмытты,
Мейір неткен күшті еді.
Аймалап жүр жігітті,
Сəбиіндей үштегі.
Сағыныштар жырақ қап,
Көкіректе жыр қызған...
Есіл ұлы:
Сұйық мұртын сылақтап,
Қысылып тұр бір қыздан!