Өлеңдер ✍️

Махаббаттың мақсаты қосылу ма?!
Айтшы сәулем, сен мағаң айтшы сәулем.
Әр жүрек жауап таппай тосылуда,
О, махаббат көп екен сенің де әурең.
Сен сүйдің, мен де ұнаттым жүрек қалап,
Қос жүрек сағынып жүр бірін-бірі.
Бастадым жыр шумағын жаңашалап,
Сел болды өзіңді аңсап көңіл жыры.
Махаббат ештеңеден тосылмаған,
Керегі не қайғыға-қайғы құрап.
ІІІын ғашықтар жалғанда қосылмаған,
Жылап келіп өмірге, өткен жылап.
Өзіңмен қимай-қимай қоштасқанда,
Қалдым ғой кең дүниеде жалғыз болып.
Өзіңмен алғашқы рет достасқанда,
Басыма қалғандай еді, бақыт қонып.
Өзіңмен өткен күндер естен кетпей,
Дастан болып жазылған жүрегіме.
Қашқан озып, соңынан қуған жетпей,
Кім біледі, солай өмір сүремін бе?
Өмір сырын үғыну қиын екен,
Ей, өмір жүрмін сенің жетегіңде.
Сүю деген өмірдің сыйы ма екен,
Бар жүректі ұнатып өтемін бе?
Тек өзіңсің арманым, сағынышым,
Ұнатқаным өзіңсің, аңсағаным.
Басатын жүрегімнің сағынышын,
Сағындым сенімен өткен таң самалын.
Мен разы болар едім бұл өмірге,
Арманың орындалып, жанса бағың.