Өлеңдер ✍️

О, махаббат, ал қызыл,
Жайшы оған гүл құшақ.
Әлпештеген жалғыз ұл
Алдында тұр құлға ұсап!
Жарылқаушы тәңірі
Бұ сәттегі өзіңсің.
Татпаған бір өмірі
Ләззат нәрін сезінсін.
Балаң жігіт ойы аппақ,
Ұшқын атқан көздері,
Қырандай бір тояттап,
Ұмытсыншы өзгені.
Өмір сұру – мықтылық,
Сенде жатыр қайнары,
Сұлулығын ұқтырып
Жіберсең ғой, жайнады!
О, махаббат, ал қызыл,
Ашты оған гүл құшақ.
Әлпештеген жалғыз ұл
Алдында тұр құлға ұсап