Өлеңдер ✍️
Өлеңдер ✍️
29.05.2022
99
Ақын мен шындық
Жауыз патша әуелі тіл кеседі,
Ақындармен мәңгі олар күндес еді.
Шындық құрғыр шырайлы сұлу емес,
Алмас қылыш, отпенен тілдес еді!
Көз шығармай, бет тілмей жауыз жанын,
Мақтаменен біледі бауыздарын.
Мамығына кірпіні орап қойып,
Қан сасытар мөп-мөлдір хауыздарын.
Талай ғасыр, не заман әміршілер
Ақындарды шідерлеп – жалыншы дер!
Шыдайды ақын, шындықтай жан серігін
Сатқан емес, шыңғыртсын жанын шідер!
Ғасыр өтер, өзгерер заманың да,
Бастан кешер сұмдықты адамың да,
Жарық дүние біледі: жарық күндей
Шындық өлмес бір ақын аманында!
Әлеуметтік желілерде бөлісіңіз:
Facebook | VK | WhatsApp | Telegram | Twitter