Өлеңдер ✍️

Қоштасып ем жаз дидарлы қызбенен,
Тұтқындалдым қара суық күзге мен.
Ғашық отын сөндірмеймін сонда да,
Еріп кетсін мұз жүрегім, мұз денем!
Жапырақпен бірге қурап бақ сәні,
Бұрқыратты мұң иісін сап-сары.
Жел де байғұс махаббатым сияқты –
Айтылмастан ғайып болған жақсы әні.
Түн баласы бебеулейді сал көңіл,
Мүсіркеулі Айды көрем алғоңыр.
Түрпіленіп тарғыл тағдыр озалдан,
Маңдайыма мөрлеген-ау зарлы өмір.
Ақыл-есім адасты ғой дүрмекпен,
Алыста жүр жарылқайтын гүл көктем.
Құдайым-ай, қыс түссе екен тезірек,
Күйбең-күйбең тірлік кешу бұл неткен!