👈 қаріп өлшемі 👉

  Өлеңдер ✍️

  25.05.2022
  59


Автор: Гүлжайнар Қалдина

Тағдыр қосса бізді егер...

Тағдыр қосса бізді егер...
Он сегіз мың ғалам бәлкім гүлденер.
Әлем шырқап әсем ән,
Ғарыш бізге айды берер.
Күн берер,
Тағдыр егер қосса бізді кім білген?
Жыр суырар ақындары,
Гүл ұсынар бағбандары бір-бірден.
Жүрек біткен кеуделерге сыймайды,
Баршасына бақыт қонып үлгерген.
Тағдыр бізді қосса –
Мүмкін жоқ қайғы,
Жан біткен шат,
Мұң атаулы тоқтайды.
Қан жүрмейді бойына,
Жан кірмейді қайғыға,
Жоқ қайғы.
Тағдыр қосса бізді баққа бастайды,
Зарығу да,
Сағыну да аяқ аттап баспайды.
Бола алмайды ешкімге де дос қайғы.
Мұңсыз махаббат та болмайды,
Сондықтан да,
Тағдыр бізді қоспайды.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы