👈 қаріп өлшемі 👉

  Өлеңдер ✍️

  25.05.2022
  27


Автор: Гүлжайнар Қалдина

Кейде барым...

Кейде барым,
Кейде жоғым беймәлім,
Екі дүние есігіне сыймадым.
(Ұлы ісің деп ұлықтар ма ұлы ием,
Үйлестіріп келейінші үй қамын).
Үнім қайсы?
Қанжарым жоқ қындағы,
Сірілі екен мендік үннің үр жаны.
Жапырақ та жылап тұрып жымиып,
Ай құлағын жауып тұрып тыңдады.
Кеуек көңіл кептіргенмен аңқамды,
Тоқта тамыр!
Қалдырып кет қаңқамды.
Күлім қағып күнге келіп тұрдым да,
Ұрын барып
Түнге салдым қолқамды.
Тұжырымым – ол таңғы.
Тәнім тоңды.
Жаным жанып тұрғанда,
Сәнім солды.
Ұры көңіл ұрланба!
Нар денемнен наз ақтарып көрейін,
Көрші ғалам, біз айтпаған сыр бар ма?
Жаныма үңіл!
Жанарыма бас ұрмай,
Досым кедей болғанымен
Қасым – бай.
өмірмен де келіспейтін күйім бар,
Миллион мен нөлдің айырмасындай...


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы