👈 қаріп өлшемі 👉

  Өлеңдер ✍️

  25.05.2022
  27


Автор: Бейбіт Сарыбай

Жалбарыну

Жаратушым,
Жебеушiм,
Ием менiң.
Бiр өзiңсiң сүрiнсем сүйенгенiм.
Мұсылманмын; құлыңмын құлақкестi,
Құдiретiңнiң сазынан күй емгенмiн.
Жан құйып,
Тән жаратқан,
Тәңiрiмсiң.
Иесiз дүниенiң бәрi құрсын.
Құлағаным, тұрғаным, жылағаным,
Бәрi-бәрi өзiңнiң әмiрiң шын.
Шуақ шашып,
Нәр берген,
Нұр тiрегiм.
Қуантып ең күн болып күркiредiм.
Жылатып ең жаңбыр боп сiркiредiм,
Бершi, Аллам, пендеңнiң бiр тiлегiн.
Шешемдi алдың,
Қайғырттың,
Құлатпадың.
Шүкiршiлiк қыз берiп жұбатқаның.
Әжем айтқан Мейiрi шексiз Аллам,
Жан қызымды ауыртып жылатпағын.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы