Өлеңдер ✍️

Басқа жақтан,
Басқа бақтан,
Келсем түрің бөлек сенің.
Әнің ұшқан
Сағыныштан,
Сен не ғылған ерекше едің.
Шырындайын,
Суың дайын,
Қанып ішсем таусылмаған.
Тастарың да,
Аспаның да,
Сағыныштан сусындаған.
Қайырмасы:
Басқа қала,
Астанаға
Айналса да
Сәнің бөлек
Алматымсың.
Алатауың –
Ақ отауың,
Жаның желек,
Алматымсың.
Сәнің бөлек,
Жаның бөлек,
Алматымсың.
Қаймақ түнің,
Оймақ күнің
Арулардың келбетінде.
Сенбей қалам,
Сендей қала,
Бар десе егер жер бетінде.
Жұлдыз бақтан,
Бір қыз тапқан,
Бозбаланың бақытын-ай!
Тауды құшып,
Жерге түсіп,
Жатқан әсем жақұтым-ай!
Қайырмасы: