Өлеңдер ✍️

  24.05.2022
  104


Автор: Ибрагим Иса

Жүрек сыры

Жапырақтар күзгі бақта,
Сарғаяды, мұңайып.
Өшіп қалмай біз бірақ та,
Жүректерде тұрайық.
Көңіліңде ән жүреді,
Қуанғанда, күлгенде.
Жақсы шығар, кім біледі,
Жүректерде жүрген де.
Сол бір күзгі сәнді бақта,
Қалды қанша қимас күн.
Ешбір жанды мен бірақ та,
Оған теңей алмаспын.
Атар таңнан тіледім мен,
Өшпесін деп сол шуақ.
Жүреді ылғи жүрегімнен
Бір сағыныш тамшылап.
Көкіректе құлыптаған,
Құпияңды ашарда,
Жүректегі сүйікті адам,
Биік тұрар қашанда.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу