👈 қаріп өлшемі 👉

  Өлеңдер ✍️

  24.05.2022
  32


Автор: Ибрагим Иса

Астанам менің

Астанам менің,
Ақ ордам менің,
Танытты сені бақ орнап елім.
Шаттыққа төсі бөленген елдің
Болашағын да сенен көремін.
Астанам менің,
Айбыным менің,
Берекем менің,
Байлығым менің,
Дос болар сенде тоғысқан жандар,
Басталар сенен тойлы күндерім.
Астанам менің,
Ажарым менің,
Армандар саған созады қолын.
Жазады бүгін шаршаған кезде
Өзіңе қарап қазағым белін.
Астанам менің,
Қалқаным менің,
Асқақтаттың ғой Арқаның жерін.
Армандап жүрген ертеңім бе едің,
Қиялдап жүрген ертегім бе едің?!
Астанам менің,
Ақылшым менің,
Жаныма әр кез жақынсың менің.
Аңсаған кезде,
Шаршаған кезде
Өзіңе қарап отырсын елім.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы