👈 қаріп өлшемі 👉

  Өлеңдер ✍️

  24.05.2022
  25


Автор: Бақыт Беделханұлы

Иə, мен бəріне сеніп жүргенмін...

Иə, мен бəріне сеніп жүргенмін,
Алдамайтындай ақ арман.
Келешегім деп керім күндердің
Нұрына шомып жаңарғам.
Зеңгір Көкпенен тілдесем дегем,
Қап кетпей қапас тірлікте.
Құдай-ай, сонда кімге сенген ем,
/...Кімге сенуді білдік пе?/
Арман көп еді қайбірін айтам,
Қараймын көкке үркектей.
Түнмен сырласып, айды мұңайтам,
Жұлдыздай үміт жылт етпей.
Бəрі де бəрі тас-талқан ба енді,
Аңқау көңілім алқынба!
Бағзы тірліктен бас тартар ма еді,
Баладай мұңсыз қалпыңда.
Бақытқа балар бал күнім менің,
Жарқыраса ғой жаны-нұр.
Тəуелсіз атқан таңғы гүлдерім,
Шуақты аңсап əлі жүр.
...Фəниге мынау бəрі бір.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы