👈 қаріп өлшемі 👉

  Өлеңдер ✍️

  24.05.2022
  23


Автор: Бақыт Беделханұлы

Ей, менің жүрегімнің шақырылмаған қонағы....

Ей, менің жүрегімнің
шақырылмаған қонағы,
Кел, төрлет!
Құтты қонақ үш-ақ күндік болады,
Көңілімді көркемді ет!
Сен дəме еткен қажеттінің бəрі бар,
Дəм тат, кел!
Сағынбаған, аңсамаған жалығар,
Сағынып кел, аңсап кел!
...Жүрегімде жалғыз қонақ күтіп ем,
Баяғыда... мəңгілікке ол қап кетті.
Өрісімен, ырысымен, құтымен
Бір басымды бақты етті.
Оның жөні бір бөлек қой, əрине,
Жүрегім де соныкі.
Сол қарайды қарағандай сəбиге,
Түнімді де күзететін сол – Үкі...
Əй, менің жүрегімнің
шақырылмаған қонағы,
Кеп тұр солай... жолың боп.
Жолай соғып кеп тұруға болады,
Ал, қонуға орын жоқ!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы